Faragha

Sera ya faragha

Taarifa gani tunazipata unapotumia Pashavo, tunazitumiaje, na jinsi ya kutuomba tuzifute.

Imesasishwa: 20 Novemba 2026

Kwa ufupi

  • Unasoma Pashavo bila kujiandikisha. Hatuna akaunti wala nenosiri.
  • Hatuuzi taarifa zako kwa mtu yeyote, na hatuonyeshi matangazo yanayokufuatilia.
  • Tunapata taarifa binafsi pale tu unapotutumia mwenyewe: swali, prompti, au barua pepe.
  • Tunahesabu wasomaji kwa Google Analytics. Unaweza kuizima hapa chini.

Taarifa unazotutumia mwenyewe

Swali. Ukiuliza swali kwenye ukurasa wa Jumuiya, tunahifadhi maandishi ya swali lako. Swali linaweza kusomwa na mfumo wa AI unaotusaidia kuandika jibu, na jibu linaweza kuchapishwa kwenye tovuti. Usiandike jina lako, namba ya simu au taarifa za siri ndani ya swali.

Prompti. Ukishiriki prompti, tunahifadhi maandishi yake. Jina na mji si lazima. Ukiviandika, vinaweza kuonyeshwa pamoja na prompti yako baada ya sisi kuikagua.

Barua pepe. Ukituandikia kwa nijuze@pashavo.com, tunapata anwani yako ya barua pepe na ulichoandika. Tunavitumia kukujibu tu.

Taarifa zinazopatikana unapotumia tovuti

Maneno uliyotafuta bila kupata jibu. Ukitafuta kitu na tusiwe nacho, tunahifadhi maneno hayo na ukurasa uliokuwepo, ili tujue nini cha kuongeza. Hatuhifadhi nani aliyetafuta. Maneno yanayofanana na namba ya simu, barua pepe au anwani ya tovuti hayahifadhiwi.

Takwimu za wasomaji. Tunatumia Google Analytics kujua kurasa zipi zinasomwa, wasomaji wanatoka nchi gani kwa makadirio, na wanatumia kifaa cha aina gani. Pia tunahesabu mara ngapi vitufe vya kushiriki vinabonyezwa. Google Analytics huweka vidakuzi (cookies) kwenye kivinjari chako ili itambue ziara za kurudia. Kwa wasomaji walio Ulaya, Uingereza na Uswisi, vidakuzi hivyo haviwekwi.

Kumbukumbu za seva. Kama tovuti nyingine zote, seva yetu huandika anwani ya IP, saa, na ukurasa ulioombwa. Tunazitumia kulinda tovuti dhidi ya mashambulizi na kutafuta hitilafu.

Kinachobaki kwenye simu yako. Kivinjari chako kinaweka orodha ya stori ulizokwisha kusoma, ili ukurasa wa mwanzo ukuonyeshe zipi ni mpya kwako. Orodha hiyo inabaki kwenye kifaa chako. Haitumwi kwetu.

Picha ndogo za zana. Kwenye ukurasa wa Zana, alama ndogo za tovuti za zana zinapakiwa kutoka huduma ya Google. Kivinjari chako kinapoziomba, Google huona anwani yako ya IP.

Zima takwimu kwenye kivinjari hiki

Ukibonyeza kitufe hiki, Google Analytics haitahesabu ziara zako kutoka kivinjari hiki. Kivinjari chako kikituma ishara ya Global Privacy Control, tunaizima bila wewe kubonyeza chochote.

Nani mwingine anapata taarifa hizi

  • Google, kwa takwimu za wasomaji (Google Analytics).
  • Kampuni tunayokodi seva kwake, ambako tovuti na hifadhidata vinakaa.
  • Kampuni ya mfumo wa AI unaoandika stori, pale swali lako linapotumika kuandika jibu.

Hatuuzi wala kukodisha taarifa zako. Tutazitoa kwa mamlaka pale tu sheria inapotulazimisha.

Tunazihifadhi kwa muda gani

Tunahifadhi swali, prompti na barua pepe mradi tunazihitaji kwa kazi uliyotupa. Ukitaka zifutwe, tuambie.

Haki zako

Unaweza kutuomba tukuonyeshe taarifa zako tulizonazo, tuzirekebishe, au tuzifute. Tuandikie kwa nijuze@pashavo.com ukieleza unachotaka. Tunajibu ndani ya siku 30.

Watoto

Pashavo ni tovuti ya watu wote, lakini hatukusanyi kwa kujua taarifa binafsi za watoto walio chini ya miaka 13. Mzazi au mlezi akiona mtoto ametutumia taarifa zake, atuambie nasi tutazifuta.

Mabadiliko ya sera hii

Tukibadilisha jinsi tunavyotumia taarifa, tutabadilisha ukurasa huu na tarehe iliyo juu. Angalia pia masharti ya matumizi na jinsi tunavyotumia AI.